വിപ്ലവത്തിൻറെ ഓർമകൾ

 


ദ്വൈമുഖികളെ ഇതിലെ,

കപടവേഷധാരികളെ ഇങ്ങോട്ട്.
നിങ്ങൾക്ക് ഗുണദോഷ നിരൂപണം ചെയ്യാൻ ഞാനിതാ.

കൊത്തിപ്പറിക്കാൻ വെമ്പുന്ന കഴുകന്മാരെ
ഇവിടെ. ഇതിലെ. ഇങ്ങോട്ട്.




എന്റെ മഷിതണ്ടും അതിൻറെ മുലക്കുപ്പിയും ഇതാ.
ഞാൻ എഴുതിയതും എഴുതാൻ ഉള്ളതുമായ കടലാസുകൾ ഇതാ.
കുറ്റങ്ങൾ കണ്ട് പിടിച്ച് പിച്ചിചീന്തിക്കൊൾക.
നിങ്ങൾക്ക് വധിക്കാൻ ഞാനിതാ.

കൊല്ലാൻ കഴിയില്ല പക്ഷെ,
എന്റെ വാക്കുകൾ കൊളുത്തി വിട്ട ചിന്താധ്വനികളെ.
അന്ധരാക്കാൻ കഴിയില്ല
ഞാൻ തീ കോരിയിട്ട ഹൃദയങ്ങളെ .




എങ്കിലും
ശ്രമിക്കണം നിങ്ങൾ.
കാരണം
ഞാനും ശ്രമിക്കും.